好多老人家都話：坐月坐足三個月係最好的。其實我都努力緊，已經好少去街，但係喺屋企真係超悶，唯有online shopping啦，女人開心買嘢，唔開心又買嘢嘛，不過生咗個女之後，買嘅嘢都係買比佢，我都冇買俾自己lu😞
上星期喺Gmarket買左嘢，今日送到喇，有咬咬巾，餵奶巾，車墊同儲奶袋。
1. 咬咬巾好有用，因為之前試過用孭帶孭佢，搞到佢塊面有拉鍊印，所以我之後都唔敢著有拉鍊既外套。有呢個巾佢又唔會壓住唔舒服之餘，又唔怕佢d口水整濕我件衫(佢開始多口水喇)；
2. 呢個餵奶巾除可以for餵奶，又可以圍住條孭帶俾BB保暖，或者大個當披肩用，可以一物多用；
3. 呢個車墊我成日見到代購有賣，見有媽媽話覺得好用，軟綿綿好似坐梳化咁，又包到實可以令佢有安全感，加上圖案靚，所以我都忍唔住買埋；
4. 之前一直都冇用儲奶袋，因為一直都係儲一日儲備，用儲奶樽都👌🏼。不過儲奶樽開始唔夠用又好嘥位，所以轉用儲奶袋。呢款儲奶袋既feedback唔錯，有個感溫環可以感應到加熱個溫度啱唔啱，好方便。而且價錢抵，唔洗$1個，可以一試
#Gmarket #開箱 #borny #車墊 #餵奶巾 #咬咬巾 #Perfection #儲奶袋
Search